საერთაშორისო პროექტები

გამოცდილებამ მიჩვენა, რომ თანამედროვე მოსწავლეებს უადვილდებათ და უფრო ხალისით მუშაობენ პროექტებზე. პროექტი,როგორც სასწავლო მეთოდი განათლებაში მე-20 საუკუნის დასაწყისში შემოვიდა.პროექტით სწავლება იძლეოდა და იძლევა აქტიური და მიზანმიმართული სწავლების საშუალებას.

პროექტით სწავლებისას,მოსწავლეები ერთად მუშაობით წყვეტენ რთულ, ცხოვრებისეულ პრობლემას უფრო კარგად, ვიდრე წიგნებიდან ფაქტების დასწავლით.

პროექტით სწავლება ავითარებს კრიტიკული აზროვნების უნარებს, რაც ასე საჭიროა 21-ე საუკუნის მოთხოვნებისთვის.

წლების განმავლობაში ჩემს მოსწავლეებს ვრთავდი და ვრთავ სხვადასხვა ადგილობრივ თუ საერთაშორისო პროექტებში. პირველი პროექტი, რომელიც ჩემს მოსწავლეებთან ერთად გავაკეთე იყო iEARN-ის პროექტი BEST-Building Economics Best Together 2007 წელს. მართალია, ამ პროექტში მოსწავლეთა ნამუშევარმა ვერ გაიმარჯვა, მაგრამ მე მოვხვდი გამარჯვებულ მასწავლებლებს შორის.

ჩემთვის ძალიან მნიშვნელოვანი იყო შემდეგი პროექტი Global Gateway 2008 წელს, რომელიც ორგანიზებული იყო ბრიტანული საბჭო საქართველოში და განათლებისა და მეცნიერების სამინიტროს მიერ. ეს პროექტი გავაკეთეთ ინგლისის ერთ სკოლასთან ერთად. ჩემი მოსწავლეების ნამუშევარმა-საბოლოო პროდუქტმა დაიკავა პირველი ადგილი და დავიმსახურეთ მთავარი პრიზი: ინგლისური ლიტერატურის ბიბლიოთეკა (100 წიგნი და ვიდეო ფილმები ორიგინალში) და ლეპტოპი.

2009-2011 წლებში მოსწავლეები აქტიურად იყვნენ ჩართულნი ამერიკულ პროექტში Oracle education ‘ThinkQuest“. ყოველ პროექტის დასრულებისას მოსწავლეები იღებდნენ სერტიფიკატებს, ხოლო მათი ნამუშევარი კი იტვირთებოდა ThinkQuest“- ვებგვერდზე.

2012-2013 წლებში კვლავ ჩავერთეთ ბრიტანული საბჭოს მიერ ორგანიზებულ ახალ პროექტში „Talking Cultures“ და პროექტის დასრულებისას მოსწავლეები დაჯილდოვდნენ არა მარტო სერტიფიკატებით, მათ ასევე გადაეცათ მაკმილანის ინგლისურის განმარტებითი ლექსიკონები.

2011 წელს ჩემი მოსწავლეები ჩავრთე პროექტში „Power of International Stories“, რომლის ხელმძღვანელები იყვნენ  ანა კჟემინსკა-პოლონეთიდან, მამთა კუმარი-ინდოეთიდან, ჯულია პერლოვსკი-ამერიკიდან.  IREX-ის ორგანიზაციის მიერ მოხდა მოსწავლეთა ნაშრომების წიგნად გამოცემა, რომელიც შეგიძლიათ იხილოთ შემდეგ ლინქზე: http://www.stories.annakrzeminska.pl/Book_download.html

(ჩემი მოსწავლეების მოთხრობები შეგიძლიათ იხილოთ გვ.65-75.)

2012 წელს ჩემი მოსწავლეები ჩავრთე eLanguages-ს საერთაშორისო საგანმანათლებლო პრეოქტში ‘ლონდონის ზაფხულის ოლიმპიადის მასკოტის ვენლოკის მოგზაურობა მსოფლიოს გარშემო“. პროექტის ფარგლებში ჩვენ სკოლას ესტუმრა ოლიმპიადის მასკოტი „ვენლოკი“, რომელმაც სომხეთის გავლით ჩამოაღწია საქართველოში. ერთი კვირის განმავლობაში ის ესწრებოდა ჩვენს გაკვეთილებს სხვადასხვა კლასებში და საგნებში. მოსწავლეებმა გადაიღეს მასთან ერთად სურათები, რომლებიც შემდეგ ავტვირთეთ პროექტის ვებგვერდზე. კვირის ბოლოს კი გავამგზავრეთ ვენლოკი ლიბანში, სადაც მან მშვიდობით ჩააღწია. (იხ. ფოტო მასალა რესურსებში).

 2014 წლიდან სკოლა ჩავრთე საერთაშორისო პროგრამაში „Global Scholars”, რომლის სათავე ოფისი არის ნიუ-იორკში. „Global Scholars“ არის საერთაშორისო ონლაინ სწავლების პროგრამა, რომელიც აკავშირებს მოსწავლეებს მსოფლიოს სხვადასხვა ქალაქებიდან და ამზადებს მათ გახდნენ გლობალური მოქალაქეების მომავალი თაობა. პროგრამაში მონაწილეობით მოსწავლეები ივითარებენ არა მარტო ინგლისური ენის ცოდნას, არამედ იზრდება მათი სამოქალაქო ცნობადობა, ეუფლებიან ტექნოლოგიების გამოყენებას სხვადასხვა აქტივობებში და სწავლობენ სამოქმედო გეგმების წერას. პროექტებში მონაწილეობით, მოსწავლეებს უვითარდებათ კვლევის, ანალიზის, კრიტიკული აზროვნებისა და შემოქმედებითობის უნარები.  ყოველ წელს პროგრამა გვთავაზობს ისეთ თემებს, როგორებიცაა: "წყალი და მისი ჭკვიანურად გამოყენება"; "მდგრადი განვითარება ჩვენს ქალაქში"; "ცხოვრება ციფრულ საუკენეში" და ა.შ. მიმდინარე სასწავლო წლის თემა იყო „ჯანსაღი კვება, უსაფრთხო პროდუქტები და მათზე ხელმისაწვდომობა“. ჩემი მოსწავლეები მუშაობდნენ თავიანთ თანატოლებთან ერთად ისეთი ქალაქებიდან, როგორიცაა ნიუ-იორკი, მადრიდი, ლონდონი, ბარსელონა, ტაიფეი, ჩიკაგო, ვარშავა და სხვა.

მოსწავლეთა ნაშრომები შეგიძლიათ იხილოთ რესურსებში.